Откако првиот концерт го распродадоа за само неколку минути, на истото место закажаа уште еден концерт во рамки на турнејата 50 and Counting.

Бендот The Rolling Stones повторно руши рекорди, откако картите за настапот на 6 јули „пламнаа“, за 13 јули во популарниот лондонски парк е закажан уште еден концерт на бендот кој минатата година прослави половина век постоење.

Картите за вториот концерт ќе бидат пуштени во продажба од 12 април, а промотерот AEG очекува исто интересирање како и за првиот настап.

На истото место The Rolling Stones последен пат настапиле пред 44 години и тогаш на бесплатниот концерт ги слушале стотина илјади фанови.