Новопечената мајка снима песни за новиот албум, пишува британскиот печат.

Адел со вториот албум 21 ја воодушеви публиката и критиката, освои седум Греми награди и две Билборд награди, а песната за Бонд, Skyfall и донесе Оскар. Мајката на шестмесечниот Анџело Џејмс се врати во студиото, каде вредно работи на третиот албум.

И помагаат продуцентите Џејмс Форд и Кид Харпун, познати по соработката со Џеси Вер, Флоренс Велч, Arctic Monkeys и други уметници.

„Адел ќе се обиде да ги помести границите на својата креативност, како и да го повтори успехот на претходниот албум. Не сака да ја паметат само по срцераспорувачките балади“, рече извор близок на пејачката.

The Sun додава дека албумот ќе се појави следната година, кога Адел ќе наполни 25 години, па како и претходниот ќе го носи „нумеричкиот“ наслов по нејзините години.