Албумот Lullaby Renditions of the White Stripes, на кој песните на славниот бенд ќе бидат претставени како приспивни песни за деца, излегува на 6 мај.

Американската издавачка куќа Rockabye Baby, која популарните хитови ги претвара во инструментални верзии на детски приспивни песни во мај ќе издаде албум од The White Stipes за децата ширум светот.

„Преработките и понатаму имаат енергија како и оригиналните верзии, само што се малку потивки и посмирени. Гитарата и вокалот на Џек Вајт и карактеристичните тапани на Мег Вајт не се изгубени во преработката во нежни звуци на дрвени ударалки и ѕвончиња“, соопшти издавачката куќа која веќе објави слични албуми од The Beatles, Боб Марли, Мадона, U2...