Прославија половина век постоење и не планираат да престанат. Веќе ја најавија светската турнеја насловена како 50 And Counting.
Покрај концерти во САД и Канада, Rolling Stones за прв пат по легендарниот концерт од 1969 година кога ги слушале 250.000 луѓе, ќе настапат во лондонскиот Хајд парк. Ова, за сега, е и единствениот концерт во Европа, покрај настапот на Гластонбери на 29 јуни.
Концертот во Хајд паркот ќе биде одржан на 6 јули на истиот датум на кој настапиле и во далечната 1969 година, само три дена по смртта на тогашниот гитарист Брајан Џонс, кој се предозираше.
„Ми се чини како да беше вчера. Ова ќе биде одлично лето“, изјави Кит Ричардс за BBC.
За разлика од концертот од 1969 година кој бил бесплатен, овој нема да биде, но цените за картите се уште не се познати, како ни кога истите ќе бидат пуштени во продажба.
