Петорката наскоро би можела да остане без еден член кој веќе со месеци работи на соло албум.

Поранешниот дечко на Тејлор Свифт, Хари Стајлс веќе снимил демо верзии од неколку песни кои сам ги напишал. До летото би требало во целост да го заврши својот прв соло албум, што би значело и распаѓање на групата One Direction затоа што е еден од главните вокали и најпопуларниот член.

Западните медиуми пишуваат дека целта на Хари е да го испочитува договорот потпишан во јануари оваа година според кој, ако ја напушти групата во наредните три години, ќе мора да плати милионска отштета.

Меѓутоа, доколку и дојде до тоа, нему тоа нема да му биде проблем затоа што само во изминатите година дена заработил речиси осум милиони долари.