Шпанската супер ѕвезда Хулио Иглесијас влезе во Гинисовата книга на рекорди како најпродаваниот латино артист на сите времиња...
Легендарниот изведувач кој има продадено над 300 милиони албуми низ целиот свет, беше прогласен и за првиот и најпопуларен меѓународен уметник на сите времиња во Кина од раководството на неговата компанија "Sony Music Entertainment".
Тој ќе ги добие и двете награди од познатиот кинески класичен пијанист Лан Лан на специјална церемонија во Пекинг во понеделникот.
Ова ќе биде прво враќање на Иглесијас во кинеската престолнина од 1995 година, кога беше прогласен за најпопуларниот странски артист во земјата од кинеското министерство за култура.
