Раперот Др. Дре откри дека работата на новиот албум на Еминем е при крај.

Др. Дре во интервју за радио Power 106 рече дека едно од најочекуваните изданија оваа година, осмиот студиски албум на Еминем, е речиси завршен.

„Ем завршува со проектот. Што се однесува до мене, тоа се ме инспирираше да се вратам во студиото. Моментално ми е многу забавно да експериментирам со животот, со креативни работи, едноставно да пробувам нови и целосно различни работи сам со себе.“

Сепак, наследникот на многу успешниот албум Recovery од 2010 година ќе биде објавен најрано на крајот од мај или почетокот на јули.