Добитничката на Оскар му ветила на Роби Вилијамс дека со него ќе испее дует за неговиот нов албум.

Новопечените родители се здружуваат за снимање на песна која веќе сега важи за потенцијален хит, иако се уште не се напишани ниту нотите, ниту текстот!

Добитничката на Оскар за песната Skyfall, Адел, според пишувањето на британските медиуми, позитивно му одговорила на Роби Вилијамс, со кој е голема пријателка, дека за неговиот нов албум ќе снимаат дует.

Тоа е мало изненадување, со оглед на тоа што пејачката од Лондон никогаш до сега со никој нема снимено дует.

„Адел и Роби се навистина загреани за таа идеја. Тие се големи пријатели и неодамна разговараа на таа тема. Нафрлени се идеи, но се уште се немаат договорено каква точно песна сакаат да снимат. Се е уште во рана фаза“, рече неименуван извор близок на пејачката.

Пред неколку години, кога ја прашаа дали би сакала да сними дует и со кого би сакала да сними дует, Адел одговорила дека тоа би бил токму Роби Вилијамс.

„Со него? Во било кое време!“, рече 24 годишната пејачка, која растура на британските и светските листи и на која кариерата и оди по позлатен пат.