Британскиот актер, комичар и музичар, Хју Лори, во мај ќе го издаде вториот албум, по што ќе тргне на промотивна турнеја.

Didn't It Rain е снимен во јануари во студио во Лос Анџелес, а Лори, кој светска слава стекна со улогата на доктор Хаус во истоимената серија, инспирација за новите песни му бил „стариот Њу Орлеанс“.

„Одлучив да зачекорам длабоко во американската музичка шума која како момче ме фасцинираше, а сега изгледа и ме зароби“, вели Лори.

Хју за сега планира да промовира само на концерти во Британија, но би требало до крајот на годината да бидат познати датумите на настапите и во другите делови од светот.