Естонијската bubble goth пејачка го објави својот втор албум Utopia по пет години дискографска пауза.

Пејачката Керли денеска, 19 март, го објави својот втор албум Utopia, пет години по објавување на деби албумот Love Is Dead во 2008.

Минатата година пејачката го објави синглот Zero Gravity кој требаше да биде најавен за Utopia, меѓутоа од разни причини, пејачката не успеа да го заврши албумот во 2012.

Меѓутоа, сега со најавниот сингл The Lucky Ones, ни пристигна Utopia кој е достапен за симнување на iTunes, Amazon, а може да се купи и во поголемите музички продавници.

Керли Коив кариерата ја има започнато како текстописец за пејачки како Деми Ловато и Тарја Турунен (поранешен член на Nightwish), а има пеено за саундракот на Alice In Wonderland на Тим Бартон.

Моментално живее и работи во Лос Анџелес, Калифорнија.