Сме слушнале дека публиката заспива на концерти, но не дека тоа им се случило на изведувачите?!

Членот на бендот Hurts открил дека заспал на сопствениот концерт. Адам Андерсон кажал дека за време на концертот во Киев „дремнал“, па Тео Хачкрафт морал да го буди.

„Турнејата за минатиот албум беше целосно исцрпувачка, и признавам дека заспав на бината. Ја имаме песната Unspoken, многу е емотивна, но и некако заспивачка. Ги затворив очите, и следното што се сеќавам е како Тео ме буди така што ми ја удираше раката во клавијатурата“, рече тој.

Се надевам дека Адам ќе биде поодморен во наредниот период, затоа што бендот минатата недела го објави вториот албум Exile, па ги очекува уште една турнеја.