Baauer изгледа користил семплови за кои немал авторски права, па сега му се заканува тужба.

Угледниот New York Times пишува дека музичарите Хектор Делгадо и Џејсон Масон планираат да го тужат авторот на песната Harlem Shake, продуцентот Baauer, поради недозволено користење на семплови во хитот, кој веќе трета недела е на првото место на листата за синглови на Billboard.

Во песната се слуша стихот Con los terroristas од песната Maldades која Хектор ја снимил во Порторико во 2006 додека рефренот Do the Harlem Shake доаѓа од песната Miller Time, која ја изведува групата Plastic Little од Филаделфија, во која учествувал Масон.

Тие двајцата бараат непозната сума на пари на име на отштета од издавачката куќа Mad Decent, која минатото лето ја издаде песната која за кратко време го освои цел свет во главно поради, во најмала рака чудниот, танц.

Ако овој случај дојде до судот и двајцата музичари докажат дека се во право, отшетата би можела да биде повеќемилионска, а Baauer се уште ништо нема коментирано.