Велшката поп пејачка Бони Тајлер ќе ја претстави Велика Британија на овогодинешниот избор за најдобра песна во Европа.

Пејачката која во 1983 година се прослави со хитот Total Eclipse of the Heart вели дека и е чест што ќе ја претставува својата земја на претстоечката Евровизија во Шведска со песната Believe In Me.

„Ветувам дека ќе дадам се од себе за да ја оправдам довербата“, соопшти Бони, а пренесува BBC. Слушнете ја песната со која Велика Британија оваа година ќе се бори за победа.

BBC соопшти дека се одлучиле за Бони затоа што е популарна во цел свет и се надеваат дека со неа ќе ги поправат веќе со години лошите пласмани на Велика Бритнија на Песна за Евровизија.