Објавен е првиот сингл од новиот албум на студиски снимки од легендарниот музичар...
Албумот "People, Hell and Angels", на кој ќе бидат 12 порано необјавени песни, кои се состојат од експериментални материјали кои Џими Хендрикс ги снимал во 1968 и 1969 година, ќе биде објавен во почетокот на март.
Легендарниот музичар овие материјали своевремено ги наменил за албумот "First Rays of the New Rising Sun" кој никогаш не го завршил, затоа што трагично загина во 1970 година. Албумот прв пат, во малку изменет облик, беше објавен во 1977 година.
Меѓутоа, оригиналните снимки сега се обработени во постпродукција, а еве го и првиот сингл "Earth Blues".
