Пејачката зеде две награди, но најважните: за најдобра пејачка на Велика Британија и најдобар албум...

Церемонијата на доделувањето на наградите "Брит" се одржа во лондонската сала О2. Таа беше отворена од групата "Muse", а во улога на гости на сцената се качија Роби Вилијамс, Џастин Тимберлејк и Тејлор Свифт.

Емели Санде беше преферирана пред покојната Ејми Вајнхаус која посмртно исто така беше номинирана за најдобра пејачка. Останатите победници се: 25-годишниот музичар Бен Хауард (за пробив и најдобар британски пејач) и Адел, која доби "Брит" за синглот "Skyfall" од истоимениот последен филм од серијата за Џејмс Бонд.

Адел не успеа да присуствува на церемонијата, бидејќи се подготвуваше за "Оскарите", кои ќе бидат врачени по неколку дена. По својот минатогодишниот триумф, за време на кој нејзиниот говор беше прекинат поради немање време, таа само испрати видеообраќање. Во него Адел се заблагодари на сите и вети дека нема зборува многу, за да не одзима време од зборовите на овогодинешниот победник во категоријата за најдобар албум.

Фолк-рок групата "Mumford and Sons" е прогласена за најдобра британска група, а "Coldplay" доби наградата за најдобра изведба во живо. Тие застанаа пред легендарните "Rolling Stones".