Фронтменот на славниот бенд за наредната година најави можност за собирање на преостанатите членови.

Роберт Плант (64) вели дека за наредната година нема ништо планирано и дека чека Џими Пејџ и Џон Пол Џонс да му јават дали и тие се слободни. Ако им се поклопат слободните термени, бендот би можел да тргне на светска турнеја.

Бендот последен пат беше заедно 2007 година кога настапија во Лондон, а тројката се состави и минатата година по повод објавување на концертниот филм Celebration.

Фронтменот Роберт Плант, гитаристот Џими Пејџ и басистот Џон Пол Џонс во 2007 ги следеше тапанарот Џејсон Бонам, син на покојниот тапанар Џон Бонам, чија смрт во 1980 година го означи распадот на бендот.

Групата основана во 1968 година има продадено повеќе од 300 милиони албуми ширум светот и важи за еден од основачите на хард рокот.