Depeche Mode 13 студиски албум Delta Machine ќе го објават на 26 март за новиот издавач Columbia Records.
Албумот на кој работеа претходните година дена во Санта Барбара, Калифорнија и Њујорк го продуцирал Бен Хилиер, миксовите ги правел Флуд, а првиот сингл Heaven за неколку дена ќе добие и спот.
Покрај стандарниот албум со 13 песни, Depeche Mode ќе објави и ексклузивно издание на албумот Delta Machine со четири дополнителни песни и книга со тврда корица со 28 страници.
„Пишувањето на овој албум беше неверојатно предизвикувачки, затоа што сакав да биде многу модерен. Сакав луѓето да се чувствуваат добро додека го слушаат, да почувствуваат некој мир. Едноставно постои некоја магија во него“, вели Мартин Гор.
