Славниот бенд најавниот сингл Heaven за 13 студиски албум ќе го објави на 25 јануари.
Новиот, за сега неименуван албум, Depeche Mode ќе го објави на 25 март.
Спотот за песната, во кого се појавува сопругата на пејачот на бендот Дејв Гахан, снимен е во Њу Орлеанс, а режијата ја потпишува долгогодишниот соработник на бендот Антон Корбејн.
Новиот албум е инспириран од блуз влијанието, но бендот тврди дека нема да биде блуз туку „музика со душа“.
„Новите песни имаат вибрација како на албумите Violator и Songs of Faith and Devotion. Ова се најдобрите песни кои досега сме ги направиле. Албумот е многу органски и директен. Не е блуз, но има душа“, вели Дејв.
