Беа симпатични деца во почетокот на деведесетите, а сега се возрасни луѓе спремни за сериозна музичка кариера.

Крис Кели и Крис Смит ја освоија јавноста како две деца во почетокот на деведесетите, кога имаа хитови како што се Jump, I Missed The Buss, Rugrats Rap и други. Издадоа три албуми и се повлекоа од сцената.

Сега Кели (35) и Смит (34) одлучија да се вратат на сцената, и тоа со настап во Атланта во февруари кога издавачката куќа So So Def ќе слави 20 години од постоење и работа.

Не е познато дали Kris Kross ќе ги изведе само своите стари хитови, или за оваа шанса ќе сними нешто ново.