Албумот 13 ќе биде прв албум на бендот, по 35 години, на кој повторно ќе пее Ози Озборн.
Бендот деветнаесеттиот студиски албум ќе го објави во јуни оваа година, а на место на главниот вокал како пред три и пол децении ќе биде легендарниот музичар Ози Озборн.
Озборн својот претходен албум со групата Back Sabbath, Never Say Die! од 1978 година често го нарекуваше како најлоша работа што ја направил во целата своја кариера, за разлика од претходните седум албуми, кои, секој на свој начин, често ја менуваа историјата на рок музиката, а хитовите како што се Iron Man, Paranoid, War Pigs или Sabbath Bloody Sabbath веќе се во класиката на рокот.
Меѓутоа, поставата повторно нема да биде во целост оригинална, затоа што зад тапаните наместо Бил Вард ќе биде Бред Вилк од групата Rage Against The Machine.
За продукцијата на албумот 13 ќе биде задолжен Рик Рабин, кој во својата „трофејна витрина“ има веќе седум Греми награди. Пред објавувањето на новиот албум, бендот закажа турнеи во Австралија, Нов Зеланд и Јапонија, а наскоро би требало да бидат познати и градовите во Европа.
