Популарниот пејач издадел само 100 копии од својот нов албум, но најголемиот дел од нив ги „скрил“ во неколку ексклузивни продавници ширум Британија.

„Тоа е како да имате златна карта во ‘Чарлиевата фабрика за чоколадо’“, пишуваат меидумите. Албумот со четири компакт дискови, е составен од 86 песни кои се снимени во живо, но и во студио во периодот од 1962 до 1963 година.

На албумот се наоѓа и верзијата на класикот Blowin' In The Wind, која до сега не е објавена. Неговата издавачка куќа Sony издала ограничен број на примероци, за да се избегне губењето на контрола над авторските права кои се подразбираат во Европа.

Само 100 парчиња се произведени и во продажба се пуштени само во одредени продавници во Британија, Германија, Франција и Шведска. Некои примероци веќе завршиле на сајтот eBay и за сега чинат нешто повеќе од 1.000 евра. Некои предвидуваат дека цената дополнително ќе скокне во наредниот период.