По повеќегодишна пауза, за време на која во главно се занимаваше со глума и музика за филмови, пејачот за 14 јануари најави враќање на музичката сцена.

Во краткото видео кое го објави на YouTube порталот, Џастин Тимберлејк се снимил себеси како оди до своето домашно студио, каде на крајот зазема „работна поза“ со слушалки пред микрофон. Целото видео е проследено со „исповед“ во која зборува за тоа зотшо во претходната деценија објавил само два албуми и колку е важно да се препознае вистинскиот момент и вистинската мотивација за нова музика.

„Музиката ми значи се, но не сакам да објавам нешто што не ми се допаѓа. Понекогаш едноставно морате да чекате. Подготвен сум.“

Иако не кажа ништо конкретко, западните медиуми пишуваат дека Џастин на 14 јануари (утре) сигурно ќе објави нов сингл, а можеби и албум, затоа што на својот сајт поставил одбројувач кој ќе запре на првиот ден од Новата година по Јулијанскиот календар.

Веста за новиот албум на Тимберлејк ја потврди неговиот имењак Џастин Бибер, кој вели дека новите песни се „неверојатно добри и инспиративни“, додека продуцентот Џим Бинз додаде дека новиот албум ќе биде „лудо добар“.

Погледнете ја пораката на Џастин насловена како I'm Ready.