Осмото студиско издание на популарниот американски бенд пристигнува во новата година.

Бендот кој во 2011 година го објави седмиот албум El Camino планира во март да заврши со снимањето на новиот студиски албум, кој до крајот на 2013 година ќе ја види светлината на денот.

„Албумот дефинитивно ќе се случи оваа година, само да одлучиме кога е вистинско време да го објавиме“, рече тапанарот Патрик Карни за NME.

Зборувајќи за своите планови, гитаристот Дан Ауербах кажа дека бендот најдобро работи под притисок.

„Се надеваме дека албумот ќе го завршиме до крајот на март. Најдобро работиме кога ни се брза да снимиме нешто ново, а најдобрите песни настануваат за време на работата во студиото“, рече тој.

Тој откри дека по завршувањето на снимањето во студиото, ги очекува неколку недели турнеја, а потоа летна пауза.

Последниот албум на групата Black Keys е објавен во 2011 година и списанието Rolling Stone тогаш го прогласи за еден од најдобрите албуми на годината.