На денот на раѓањето на трагично загинатиот „македонски славеј“, 25 јануари, во Спомен куќата во неговото родно Крушево, ќе биде претставен албумот The Best of Toše Proeski, со 16 композиции кои ја обележаа успешната кариера на младиот пејач.

На овој албум во главно ќе се најдат познати песни, со еден новитет „Сето ова е премалку за крај“, чиј автор на текстот и музиката е Јелена Трифунович, а на аранжманот е Никша Братош.

„Песната е снимена во 2006 година во домашното студио на Тоше и е само дел од богатото музичко наследство кое го остави во своето студио. Аранжманот на композицијата „Сето ова е премалку за крај“ го направи Никша, кој моментално работи на и на новите песни од Тоше, кои ги компонираше пред смртта“, вели Славен Ристоски од Фондацијата Тоше Проески.

На омотот на албумот The Best of Toše Proeski ќе бидат и некои до сега необјавени фотографии од трагично починатиот пејач.