Како подарок на фановите ширум светот по повод 66 роденден, славниот музичар го издаде синглот Where Are We Now?, а во март пристига сосема нов албум.

Дејвид Боуви за последен пат настапи во 2006 година и од тогаш речиси не е виден во јавноста, а сега без никаква најава само на сервисот iTunes и својот сајт го објави првиот сингл од новиот студиски албум The Next Day.

Песната Where Are We Now? е снимена во Њујорк, а продуцент е долгогодишниот пријател на Боуви, Тони Висконти. Пејачот на сајтот напиша дека тој е „уметник кој пишува, снима и настапува каде и кога тој сака“, па во склад со тоа и нов албум на кого фановите чекаат речиси деценија.

Боуви е роден на вчерашен ден во 1947 година, а еве ја и неговата роденденска песна.