Британскиот женски бенд повторно се собра во оригинален состав.

Sugababes за време на минатата деценија беше еден од најпопуларните женски бендови во Британија, но честите закачки меѓу членките доведоа до тоа за неколку години да променат дури четири поставки.

Почнаа Мутја Буена, Киша Бјукенон и Шибон Донахју, но Шибон замина по првиот албум. Наместо неа дојде русокосата Хајди Рејнџ, а Мутју наскоро беше заменета од Амел Бераба, а по неколку години, Киша замина и на нејзино место дојде Џејд Јуен.

Оригиналната тројка сега се врати, но не под името Sugababes, туку како MKS, што се иницијалите на девојките.

На повратничкиот концерт изведоа неколку од своите стари хитови, меѓу кои Freak Like Me и други, но и кавер верзија на хитот на Ријана Diamonds.

„Мило ни е што се вративме, очекувајте многу интересни новитети“, порачаа девојките.

Групата за време на 14 годишната кариера продаде повеќе од осум милиони примероци од албумите само во Британија. Слушнете ја новата песна Overload.