Пејачот на групата U2 Боно Вокс смета дека песнта на Леонард Коен "Hallelujah" е најсовршената композиција снимена во популарната музика...

Песната "Hallelujah" ја имаат обработено многумина, а покрај оригиналот, најзабележлива била верзијата која Џеф Бакли ја издал на деби албумот "Grace". За песната е напишана и книга "The Holy or the Broken: Leonard Cohen, Jeff Buckley, and the Unlikely Ascent of 'Hallelujah'", а авторот Ален Лајт вели дека книгата ја напишал затоа што сакал да го истражи ефектот на лавина која го постигнала во текот на неколку децении.

"'Hallelujah' е неверојатна песна и колку пати да ја слушате секогаш како да ви е прв пат. Стана една од најсаканите, најизведуваните, но и најзбунувачките песни", рекол Ален.

Исто мисли и Боно Вокс кој хитот на Леонард Коен го нарече најсовршената песна на светот некогаш, додека Леонард Коен вели дека му е неверојатно драго што 'Hallelujah' е и една од најизведуваните песни која ја бираат талентираните пејачи.