Според странските медиуми, бендот ќе го објави албумот во март следната година.
Мартин Гор вели дека новиот „материјал“ најмногу ќе потсетува на албумите Violator и Songs Of Faith And Devotion, но неговиот наслов се уште не се знае.
„Среќен сум со новиот албум. Музиката е слична на онаа од албумите Violator и Songs Of Faith And Devotion, иако мислам дека песните на новиот албум се некои од најдобрите кои некогаш сме ги направиле“, рече гитаристот Мартин Гор.
Новите песни ги потпишуваат, како и на претходните два албуми, Мартин Гор и Дејв Гахан.
„Албумот не е блуз, но има духовна страна. Додека го снимавме, се трудевме да вклучиме што повеќе елементи на настап во живо“, рече Дејв.
