Младиот пејач, за на фановите и на светската јавност да им докаже дека не е само тинејџерски забавувач туку сериозен пејач, ќе издаде акустичен албум, а веќе почнал и со пишување на нови песни.

По мини компилацијата My Worlds Acoustic од 2010 година, Џастин Бибер планира на својот нов акустичен албум да ги стави сите досегашни песни, а паралелно работи и на нов студиски албум.

„Многу пишувам нови работи и да, акустичниот албум, новите аранжмани, се случува...“, се пофали Бибер на својот Twitter профил.

Бибер до сега има издадено три студиски албуми кои се продадени во повеќе од 15 милиони примероци ширум светот и моментално е меѓу најбараните ѕвезди на планетата, а на YouTube порталот од него подобар е единствено Псај.

Без разлика дали го сакате или не, но штотуку полнолетниот Џастин е трета највлијателна славна личност во 2012 година според листата на списанието Forbes. Од мај минатата година до мај оваа година Бибер заработил неверојатни 55 милиони долари.