Фронтменот Крис Мартин демнатираше дека групата наредните три години ќе се одмара затоа што тој веќе почнал да пишува нови песни.

Coldplay почнал да работи на наследникот на многу успешниот албум Mylo Xyloto на чија промотивна турнеја бендот го виде повеќе од три милиони луѓе, а на еден од последните концерти Крис најави пауза.

„Кога го реков тоа мислев на Австралија, која нема да стигнеме да ја посетиме повторно во наредните три години. Немаме никаква пауза во план, а јас веќе почнав да пишувам песни за новиот албум и ни малку не се плашам за иднината на бендот“, изјави Мартин.

Покрај тоа, Мартин вели дека Mylo Xyloto турнејата била најзабавната која некогаш ја имале.

„Беше емоционално тешка од почетокот, делумно затоа што сме горди на нашата музика, поради LED ракавиците, пиротехниката, ласерите и сите тие работи, но најмногу поради фантастичната публика за која свиревме. Во текот на годините нашата публика стана битен елемент на концертите. Гласни се, различни, полни со душа и се чини дека песните звучат многу подобро отколку кога ги изведуваме сами. Сакавме да го задржиме чувството кое ни го даваат и така се роди концертниот филм.“