Фронтменот на бендот ја скршил ногата, фановите во Шведска и Норвешка остануваат без настапи.

Пејачот Мет Белами на својот Twitter профил постави фотографија на која се гледа како оди со штаки затоа што стапалото му е во гипс.

„Некое време ќе морам вака“, напиша Белами.

Бендот на својот сајт соопшти дека пејачот го скршил стапалото, и дека затоа се откажуваат настапите во Норвешка и Шведска. „Извисени“ останаа Осло, Стокхолм и Малмо.

Muse наведува дека и понатамошните настапи на турнејата се под знак прашање, во зависност од брзината на опорување на пејачот.

Британскиот бенд важи за еден од најдобрите изведувачи во живо.