Раперот е на самиот врв на "Forbes 2012" листата за најплатени музичари, со 110 милиони долари заработка за само 365 дена...

Магазинот "Forbes" ја објави годишната листа на музичари кои најмногу заработиле од мај 2011 до мај 2012 година, а апсолутниот победник е Др. Дре.

На второ место е басистот на бендот Пинк Флојд, Роџер Вотерс со 88 милиони долари, а "бронзата" му припадна на Елтон Џон со осум милиони помалку.

Ги следат бендовите U2 (78 милиони долари), Take That (69 милиони долари) и Бон Џови (60 милиони долари), a Поп принцезата Бритни Спирс е седма по ред со заработка од 58 милиони, милион повеќе од Пол Мекартни и Тејлор Свифт.

Десети е Џастин Бибер кој својот буџет за година дена го зголеми за 55 милиони долари, додека Ријана (53 милиони долари), Лејди Гага (52 милиони долари) и Бијонсе (40 милиони долари) се на 12, однсно 13 и 18 место, додека Адел заработила "само" 35 милиони и се наоѓа на 22 позиција.2012-12-01