Кеша се враќа на музичката сцена со новиот албум Warrior - кој не можеше да дочека да го сподели со нејзините фанови.

Иако албумот треба да излезе дури на 30 ноември, Кеша не успеа да го зачува за себе, па го сподели со фановите на својот профил на Soundcloud.

25 годишната пејачка е најдобро позната по хитовите We R Who We R и Tik Tok, а деби албумот Animal доживеа голем успех на светските топ листи.

Warrior е името на второто студиско издание на откачената пејачка, и следниот чекор во нејзината кариера, а на истиот можат да се слушнат соработки со Will.I.Am и Iggy Pop.

Првиот сингл Die Young доживеа голем успех и беше добро пречекан од публиката, а моментално е еден од најголемите светски хитови.