Славниот рокер, откако го изгледал документарецот за тинејџерската поп сензација, кажал дека момчињата неодоливо потсетуваат на почетоците на легендарните Rolling Stones.

Фронтменот на бендот The Rolling Stones, Мик Џегер во интервју за американската мрежа CNN кажал дека откако го изгледал филмот за бендот One Direction ја почувствувал истата енергија која ја имале и тие пред половина век.

„По се ме потсетуваат на нас пред 50 години кога помалку несигурно излегувавме пред публиката и ‘се губевме’ на бината. Ме обзеде чудно чувство додека го гледав нивниот концерт, како да не гледав нас некогаш“, им го споделил овој комплимент Џегер на момчињата чии албуми рушат рекорди по број на продажба и моментално се најбаран млад бенд на планетата.

Нил Хорен (19), Зејн Малик (19), Лијам Пејн (19), Хари Стајлс (18) и Луи Толинсон (20) се обидоа самостојно да се изборат за победата во британското шоу X Factor пред две години, но могулот Сајмон Ковел ги обедини во бенд која година дена подоцна го издаде албумот Up All Night, кој ширум светот е продаден во повеќе од три милиони копии.

Неодамно го издадоа и вториот албум Take Me Home, а светската турнеја, на која тргнуваат на пролет, веќе е распродадена...

За сега имаат голем потенцијал, можеби баш не толку музички, колку популаристички за да ги наследат легендарните Rolling Stones затоа што за љубовта на момчињата со многу постари дами од светскиот шоубизнис веќе наголемо се пишува.