Ако им се верува на продуцентите на новиот документарец за ливерпулската четворка, многу работи им се непознати на јавноста, но тие тоа ќе го откријат во филмот The Beatles Live! во кој можат да учествуваат и фановите.

Продуцентската куќа Ovow успеа да ги доби авторските права за снимањето на филмот во кој ќе бидат објавени до сега невидени аудио и видео снимки за бендот, фотографии и ова ќе биде, така велат тие, најдобиот документарец за The Beatles направен некогаш.

Покрај официјални снимки, продуцентите ги повикале фановите од цел свет кои имаат било какви аудио или видео записи или фотографии поврзани за славниот бенд да им ги испратат.

„Проектот овозможува на сите своите содржини да ги стават на страницата за филмот, но и да пишат за своите искуства.“