Странските медиуми шушкаат за тоа дека познатиот режисер Тим Бартон „замешал“ прсти во снимањето на новиот спот на американскиот бенд The Killers.

Во спотот за синглот за албумот Battle Born наводно ќе учествува и холивудската актерка Винона Рајдер.

За сега не се знае за која песна станува збор, но локалните медиуми пренесуваат дека Бартон го снимал бендот и Рајдер во богато украсената куќа Тауер Балрум во британскиот град Блекпул.

Ноќта пред снимањето на спотот, члановите на бендот од Лас Вегас се забележани во локалното кино на прокецијата на филмот Skyfall.

Откако го изгледале новиот филм за Џејмс Бонд, членовите на бендот се сликале со обожавателите и делеле автограми.

Бендот неодамна морал да откаже настап во Манчестер затоа што пејачот Брендон Флауерс имаше проблеми со гласот, но најавија дека тие концерти ќе бидат одржани во февруари.