Промо видеото за песната Blue од нивниот последен албум Collapse Into Now го преплави интернетот за кратко време.

Спотот за песната Blue го режираше Џејмс Франко, а во него се појавува и актерката склона кон скандали, Линдзи Лохан.

Странските медиуми пишуваат дека Франко режирал два спота за песните кои се наоѓаат на последниот албум на бендот R.E.M.

Видеото за песната That Something Is You се уште ја нема видено светлината на денот, но промо спотот за песната Blue објавен е конечно по 18 месеци.

Членовите на бендот минатата година објавија дека се задоволни со се што постигнале и дека е време да стават „точка на кариерата на бендот“ и дека сите треба да тргнат по свој пат.

Кој знае, можеби ќе се соберат повторно на радост на многу обожаватели.

Погледнете го видеото.