Објавен е дуетот на поранешниот пар, со адекватен наслов Nobody's Business.

На интернет е објавена и една од најинтригантните песни од новиот албум на Ријана Unapologetic, дуетот со поранешниот дечко Крис Браун во кој двајцата музичари велат дека „нивниот однос е ничија работа“.

Еден од авторите на песната е и починатиот крал на попот, Мајкл Џексон.

Тие двајцата претходно го објавија ремиксот на песната Birthday Cake кој фановите не го прифатија баш најдобро затоа што на никому не му е јасно зошто Ријана на Крис му го прости бруталното претепување од 2009 година.

Пејачката моментално е на својата 777 турнеј, во рамки на која ден по ден ќе ги обиколи Мексико, Торонто, Стокхолм, Париз, Берлин, Лондон и на крајот Њујорк, а интересно е што фановите до денот на одржување на концертот нема да знаат каде истиот ќе биде одржан.