Пејачката најавила дека најмалку година дена ќе се воздржи од одење во студио...

Флоренс Велч рекла дека планира да земе година дена пауза за да се занимава со "нормални работи".

"На турнеи сум практично од својата 21 година, и време е за одмор. Ми треба прилика да работам нормални, секојдневни работи, како што се одење во супермаркет или дружење со пријателите".

Пејачката додала и дека неодамна се иселила од куќата на мајка и, па и претстои уредување на новиот дом и привикнување на таквиот живот.

"Ако сега повторно почнам да пишувам песни, нема да стасам ништо да направам, и повторно ќе се затекнам во некоја хотелска соба далеку од дома, со распоред за турнеја пред себе".

Првиот албум "Lungs" Florence And The Machine го објавија во 2009 година, а следното издание "Ceremonials" беше објавено минатиот октомври.