Денеска е датумот на официјалното излегување на Born To Die: The Paradise Edition во Велика Британија, а компанијата Pepsi може да и се заблагодари на Лана за чудната реклама.

Пејачката Лана Дел Реј предизвика бурни реакции кај јавноста со алтернативниот наслов на една од нејзините песни кои се наоѓаат на ре-изданието на деби албумот, Born To Die: The Paradise Edition кој од денеска е пуштен во продажба во Велика Британија, а од утре ќе може да се купи и во Соединетите Американски Држави.

Песната Colа, или алтернативно наречена Pussy (П**ка), е трета на нејзиниот нов албум, а во песната меѓу другото вели Mу pussy tastes like Pepsi cola („Мојтата п**ка има вкус на Пепси“), што ја шокираше јавноста, а новинарите од британскиот печат побрзаа да прашаат од каде и е инспирацијата за овој текст.

„Тоа ми го кажа еден дечко при една прилика“, симна со рамењата убавата пејачка, која моментално е во врска со Бери Џејмс О’Нил од групата Kassidy.

Лана додаде дека таа била воодушевена со песната, но дека нејзините соработници не биле баш пресреќни поради спорната реченица. Сепак, секоја реклама е добра реклама, а очекуваме компанијата Pepsi наскоро да се огаси во врска со оваа.

„Добивам многу пораки од луѓето кои обожаваат Pepsi и кои се воодушевени со текстот“, рече таа.

Меѓутоа, освен што некои го критикуваат текстот поради вулгарноста и невкусноста, некои критичари ја поддржуваат смелоста на Лана, како женски артист.

„Зошто машките пејачи кога пеат за нивните гениталии и гениталиите на женскиот пол тоа е во ред, а кога призната и сериозна артистка ќе го стори тоа веднаш се смета за вулгарно?“, коментираше една феминистка во врска со спорната реченица.