Фронтменот на бендот, Џаред Лето, вели дека од распадот нема ништо затоа што бендот го снима најдобриот албум до сега.

Иако долго се шпекулираше дека бендот 30 Seconds To Mars ќе престане со работа, момците вредно работат на новото издание, кое ќе биде објавено во 2013 година.

Лето вели дека новиот албум, кој е снимен во студија ширум светот за време на турнејата на која групата го промовираше албумот This Is War, ќе биде „посилен, подобар од сите до сега“.

„Навистина мислам дека ова ќе биде нешто најдобро што сме го снимиле до сега.“

30 Seconds To Mars би требало да настапат на Download фестивалот следната година, покрај Queens of the Stone Age, Alice in Chains и Motorhead, кога би требало да ги промовираат новите песни.

Покрај тоа што работи на албумот, Лето моментално го снима филмот The Dallas Buyer's Club во кој играат Метју Меконахи и Џенифер Гарнер.