Ре-изданието на американската артистка Лана Дел Реј, Born To Die: The Paradise Edition протече пет дена пред официјалното излегување на истото.

На новото издание можат да се слушнат петнаесетте песни кои се наоѓаа на делукс изданието на Born To Die, како и осум нови песни, плус бонус песна за оние кои ќе го купат албумот на iTunes.

Две песни од осумте нови веќе се издадени, Blue Velvet како промотивен сингл за кампањата на модната куќа H&M и Ride како најавен сингл за албумот.

Останатите песни се: American, Cola (Pussy), Body Electric, Gods And Monsters, Yayo и Bel Air, а песната која може да се добие како бонус доколку албумот го купите на iTunes се вика Burning Desire.

Албумот официјално излегува на 12 ноември во Обединетото Кралство, а на 13 ноември во Соединетите Американски Држави.

Вчера Лана кога слушна дека нејзиниот албум протече, го објави видеото за песната Bel Air, кое го има добро познатиот звук на пејачката, но во едно освежено издание.