Американските староседелци биле навредени поради „индијанската“ тема на спотот за песната Looking Hot.

Во спотот објавен во петок, Гвен Стефани и екипата пееја опкружени со вигвами, димни сигнали, а пејачката носеше и традиционална перјаница. Друштвата на американските староседелци веднаш реагирале и ја претрупале YouTube страницата на бендот со негативни коментари.

„Го повлекуваме спотот, иако немавме намера да навредиме било кој. Како бенд составен од членови од различни раси, секогаш тежнееме кон тоа да промовираме различност и прифаќање на другите култури. Се извинуваме доколку навредивме некој“, наведе бендот на својот сајт.

Спотот за песната го режираше Мелина Матукас, која минатата година ја тужеа поради спотот на Ријана S&M. Фотоградот Дејвид Ла Шапел тврдеше дека целиот визуелен индетитет на спотот е „позајмен“ од негови фотографии.