Во денешно време се чини дека е незамисливо на виделина да се појави некоја рекламна фотографија која не е обработена во Фотошоп и други дизајнерски програми...

Природно е ликот кој не искушува од рекламата да е идеален - сепак корисникот го поврзува со соодветен производ кој се рекламира и кој автоматски се прифаќа како исто толку совршен.

Но, тоа се илузии, како што е илузија дека Бет Дито ќе стане Адријана Лима, ако си стави градник од Victoria's Secret.

Но, не е познатиот бренд за долна облека тема на денот, туку рекламната визија на парфемот на една жена, која во последно време е актуелна главно поради својата фигура.

Кристина Агилера ја сподели промо кампањата за својот мирис Royal Desire, а како заштитно лице, се разбира е самата таа. Но, префинената убавица, многу се разликува од дамата која се појавува на различни јавни настани во последно време.

Телото на Кристина е толку моделирано што ефектот на сликата е повеќе негативен отколку позитивен.

Покрај фотографијата, на дигитална обработка било подложено и лицето на пејачката што ја прави нејзината појава уште понереална.