Тоа е слоганот за четирите концерти со кои легендарната група ќе прослави половина век постоење.

Навистина остареа, кавгите се нивно секојдневние, изнесувањето на „валканите работи“ вообичаена работа, но квалитетот на музиката и младиот дух и денес се главна одлика на „камењата“ кои повеќе од успешно се „тркалаат“ веќе 50 години.

Токму поради меѓуперсоналните несогласувања прославата на јубилејот беше под знак прашалник, но сите несогласувања се измазнаа и за 25 и 29 ноември најавија концерти во Лондон, а во Њујорк и недалеку од Њујорк ќе свираат на 13 и 15 декември.

„Лондон е нашиот град, таму почнавме и таму ќе го славиме јубилејот кој баш и не го доживуваме. Некако не веруваме дека помина толку време, но ние сме овде и понатаму“, велат Мик Џекер, Кит Ричардс, Рони Вуд и Чарли Вотс во промотивното видео.

Нивната компилација хитови насловена како GRRR! излегува на 12 ноември.