Не само совршените и секси акробации на пејачката, туку и замислата на видеото кое ги претставува подемите и падовите на секоја врска, ќе ве натераат оваа видео да го изгледате до крај.

Имено, Пинк во новиот спот за песната Try испрати јасна и силна порака за тоа што ја прави секоја врска тоа што е - подемите и падовите. А колку таа порака е силна, можете да ја прашате нејзината мајка која, како што вели Пинк, и самата останала без текст откако го видела новото видео.

„Мојата мајка, откако го виде видеото, рече: ‘Леле, душо! Без текст сум. И непријатно ми е. Никој не може да тврди дека сето тоа беше сигурно’“, споделила Пинк со фановите на Твитер.

Пејачката во спотот изведува разни акробации со танчерот, облечена во проѕирен фустан и долна облека. Телото со секој нов удар и е покриено со се повеќе боја. Дефинитивно најимпресивна сцена е онаа во која Пинк, висејќи наопаку од грбот на танчерот, изведува „шпага“.

Движењата се всушност метафора за добрите и лошите денови во врската, па наизменично демонстрираат насилство, секс, нежност и грубост. Пејачката тврди дека не сакала да заврши со снимањето на спотот, дека многу уживала во истиот и дека тоа е дефинитивно нејзиниот најдобар спот досега.