Легендарните рокери објавија две нови песни, од кои едната може да се слушне на Интернет.
Doom And Gloom е песната која Rolling Stones ја снимиле порано оваа година во Париз, што беше прва шанса сите заедно да се најдат во студиото по цели седум годин.
Мик Џегер, Кит Ричардс, Чарли Вотс и Рони Вуд не биле во студиото од 2005 година, кога го објавија A Bigger Bang. Џегер и Ричардс веќе со години се во многу лоши односи и понекогаш си „префрлаат“ преку медиумите.
Doom And Gloom, како и уште една нова песна насловена како One Last Shot, ќе бидат објавени на компилацијата хитови GRRR!, која излегува на 12 ноември.
