Иако фановите со нетрпение го чекаат нејзиниот нов албум, таа вели дека до крајот на годината нема да издаде ништо ново.

Лили Ален се надева дека новиот албум ќе го објави наредната година затоа што не сака да брза и секоја песна „трипати ја мери, еднаш ја сече“.

„Не сакам да објавам ништо за што не сум 100% сигурна дека е ‘вистинската работа’. Тешко дека до крајот на оваа година ќе завршиме нешто, но се надевам дека албумот ќе биде готов за почетокот на наредната“, вели Лили.

Пејачката која доживеа два спонтани абортуси, во ноември минатата година со претприемачот Сем Купер доби девојче, вели дека новиот албум ќе биде инспириран токму од тој период на нејзиниот живот полн со тага и радост.