Не мора баш да ги заборавите, слободно сакајте ги и понатаму, но заборавете ја надежта дека некогаш ќе се соберат повторно...

Британскиот музички печат неодамна ја пренесе изјавата на извор близок до бендот, кој рекол дека славниот бенд The Smiths ќе се собере следната година за низа концерти меѓу кои е и настап на фестивалот Гластонбери.

Портпаролот на пејачот Мориси и гитаристото Џони Мара веднаш се огласиле и демантирале дека екипата повторно се собира.

„Никогаш, никогаш нема да дојде до повраток на бендот. Би морале за причина да го прашате Мориси, затоа што зад се стои една многу подолга приказна“, рече портпаролот на Мориси. Портпаролот на Мара исто така рекол дека од повратокот нема ништо.

Бендот The Smiths е оформен во 1982 и во кариерата долга пет години објавил четири албуми.