Нес вчера го објави видео спотот за песната "Cherry Wine", на кој гостува и неговата покојна пријателка - Ејми Вајнхаус...
Раперот така и оддаде почит на легендарната Ејми, а на крајот од спотот стои порака "Во сеќавање на Ејми Вајнхаус".
"Cherry Wine" не е прва песна на која овој дует соработуваше. Раперот гостуваше на нејзината песна "Like Smoke" на албумот "Lioness: Hidden Treasures", кој беше издаден по нејзината смрт.
"Ејми и јас имавме роденден на ист ден па ја сметав како сестра. Беше навистина забавно друштво. Ги озборуваше холивудските фаци кои не и се допаѓаа и тоа ми беше најинтересното нешто што го слушав од неа. Сите се надевавме дека ќе се прибере и ќе успее да го реши проблемот", изјавил Нес за NME.
"Cherry Wine" е песна која се наоѓа на последниот албум на Нес, "Life is Good", кој излезе уште во јули.
